Мануел Ноер не престанува да воодушевува. Германскиот голмански великан, иако неодамна го прослави својот 40-ти роденден, докажа дека годините се само бројка. По неговата блескава партија во првиот четвртфинален натпревар помеѓу Реал Мадрид и Баерн Минхен (1:2), УЕФА заслужено му го додели признанието Играч на неделата во Лигата на шампионите.
Ветеранот на голот на Баерн беше вистински ѕид на „Сантијаго Бернабеу“. Тој забележа пет клучни интервенции, од кои неколку беа во спектакуларни директни дуели со ѕвездите на Реал, Килијан Мбапе и Винисиус Жуниор. Неговата способност да чита игра, да излегува надвор од шеснаесеттникот и да ја скратува аголот на противничките напаѓачи повторно го потврди неговиот статус како еден од најдобрите голмани во историјата на фудбалот.
[UEFA] Manuel Neuer us the UEFA Champions League Player of The Week
by u/CoreyWells in soccer
Социјалните мрежи експлодираа од пофалби за германскиот чувар на мрежата. Фановите го опишуваат како „бесмртен“ и го споредуваат неговото влијание врз играта со она на легендарниот Буфон.
Познатиот спортски карикатурист Омар Момани исто така не остана имун на блесокот на Ноер, посветувајќи му одлична анимација на Инстаграм.
Оваа награда доаѓа во совршен момент за Ноер, кој и покрај тоа што се мачеше со повреди изминатиов период, покажа дека е подготвен да го води Баерн кон нова европска титула.
Потсетете се на нашиот завчерашен извештај од големото дерби во кое Баерн, благодарение на головите на Дијаз и Кејн, како и одбраните на Ноер, извојува огромна победа во Мадрид.
