Добро утро! Денешниот ден го започнуваме со еден од најбизарните и најсмешните моменти што сме ги виделе во последно време. Доаѓа од натпреварот помеѓу Тајван и Тајланд, а главната улога ја има: Microsoft PowerPoint.
Да, добро прочитавте. Земјата која е светски лидер во производството на микрочипови и најсофистицирана технологија, резултатот на фудбалскиот натпревар го менува рачно, на слајд-шоу.
Taiwan live updating the scoreboard in their match against Thailand using Microsoft Powerpoint
byu/weechees1 insoccer
“Game is back” или “кога ќе излажеш на CV”?
Видеото, на кое се гледа како некој со маус го менува резултатот во PowerPoint презентација, стана апсолутен хит и предизвика лавина од хумористични коментари.
“Конечно, фудбалот се враќа на корените!”, “Ова е кога ќе излажеш на интервју за работа дека знаеш да работиш со софтвер, па мора да импровизираш”, “Замислете да имаат по еден слајд за секоја секунда од натпреварот и некој да седи и само да клика ‘next slide'”, беа само дел од реакциите.
Иронијата е огромна. Земјата која ги произведува процесорите за најмоќните компјутери во светот, за семафор користи технологија од 90-тите.
На крајот, можеме само да кажеме, ако функционира, не го поправај. Или можеби сепак поправете го, срамота е.
