Светот на сумо борбите е полн со традиција, ритуали и… огромни луѓе кои се судираат еден со друг. Иако можеби не ги знаеме сите правила (освен дека не треба да излезеш од кругот или да допреш доле со било што освен стапалата), она што се случи овој викенд во Јапонија е голема работа.
Украинскиот сумо борач Аонишики (вистинско име Данило Јавгусишин) го победи Хошорју и го освои својот прв Императорски пехар (Emperor’s Cup).
Зошто ова е важно?
Сумото е длабоко вкоренето во јапонската култура и историја, но Аонишики е четвртиот Европеец во историјата што успеал да освои ваков престижен турнир. Тој е првиот Европеец по 7 години што го кренал пехарот.
Aonishiki defeats Hoshoryu to win his first Emperor’s Cup
byu/blarblar3 insports
Што доби победникот?
Освен пехарот и славата, наградите во сумото се… уникатни. Аонишики си замина дома со:
- Парична награда.
- Едногодишна залиха на плин за готвење.
- Едногодишна залиха на пиво.
- Голема количина „Вагју“ говедско месо за него и неговите колеги од шталата (heya).
На пат кон „Јокозуна“?
Аонишики сега е промовиран во рангот Озеки (втор највисок ранг). Ако продолжи со вакви перформанси и освои уште два турнира по ред, може да стане Јокозуна – највисоката и најпрестижната титула во сумото, нешто што е резервирано само за најголемите легенди.
Сумото можеби изгледа едноставно на прв поглед, но зад секој меч се крие неверојатна дисциплина, традиција и, како што гледаме, понекогаш и изненадувања од Европа.
Следете нè: Facebook | Instagram | X
