Летниот преоден рок беше исполнет со шпекулации. Трач медиумите го носеа ваму, таму, онаму, се пишуваше за нарушени односи и заминувања, но сепак, првиот напаѓач на македонската репрезентација реши да остане на „Ајброкс“ и да се бори за своето место.
И каков подобар начин да му докаже на стручниот штаб на Ренџерс дека местото му е во првите 11, од постигнување на победнички погодок во судиското надополнување!
Влезе од клупата и стана херој на „Ајброкс“
Во третото коло од шкотскиот Премиершип, Ренџерс се мачеше да го скрши отпорот на незгодниот Сент Мирен. Менаџерот Дерек Мекинес направи клучна потег во 78-мата минута, кога во игра го уфрли Бојан Миовски на местото на Џеиди Гасама.
Додека натпреварот се ближеше кон крајот, а нервозата на трибините растеше, македонскиот репрезентативец покажа зошто е врвен напаѓач. Во 91-вата минута, по едно одлично проигрување со глава од Рајан Надери, Миовски излезе во добра позиција и со мајсторски лоб удар преку голманот ја смести топката во мрежата за конечни 1:0.
🚨 Bojan Miovski chip goal at death time
— Goals Xtra (@GoalsXtra) September 9, 2026
🏴 Rangers 1-0 St Mirrenpic.twitter.com/1PRZJ4d6Au
Miovski breaks the deadlock with the goal in added time!! 🔥🔥🔥#rangersfc pic.twitter.com/XtcvZybOmd
— Joel Kim (@KNTFootball) September 9, 2026
Перфектен тајминг пред обврските со репрезентацијата
Ова беше натпревар во кој Ренџерс мораше да победи, особено по бројните промени и притисокот врз тимот на почетокот на сезоната. Овој гол не е само три бода за гигантот од Глазгов, туку е и јасна порака од Миовски до менаџерот Мекинес – квалитетот е тука, само му треба континуитет.
За нас, најважно е што Миовски проработува во вистински момент, токму пред исклучително важните натпревари на репрезентацијата што следат. Напаѓач со самодоверба е најопасното оружје, а ваквите голови во 90+ минути се најдобриот лек за враќање на формата.
Наш став: Се надеваме дека овој мајсторски лоб е само прв од многуте голови што ќе следат во сезонава. На Бојан му посакуваме целосно враќање на самодовербата и уште многу вакви моменти, како во синиот дрес на Ренџерс, така и во црвено-жолтиот дрес на Македонија.
