Четвртото коло во Лига Европа донесе неколку очекувани победи, но и тешки порази за фаворитите. Динамо Загреб доживеа дебакл на домашен терен, Нотингем Форест промаши пенал во Австрија, а Фрајбург ја „прегази“ Ница.
Во центарот на вниманието беше првата победа на Црвена ѕвезда оваа сезона во Европа, во тензичен натпревар против Лил (1-0).
(Видео) Динамо Загреб 0-3 Селта Виго
Вистински „потоп“ на „Максимир“. Селта го понижи Динамо Загреб со 0-3, а целиот натпревар беше решен уште во првото полувреме. Пабло Дуран беше кошмар за „Модрите“, погодувајќи во 3. и 44. минута, а во меѓувреме (28. минута) Серџи Домингез си постигна и автогол за целосен дебакл.
(Видео) Ница 1-3 Фрајбург
Германска лекција среде Азурниот брег. Фрајбург ја „реши“ Ница со 1-3, при што сите голови паднаа во првиот дел. Иако домаќините поведоа преку Оморуји (25’), гостите одговорија со „блицкриг“ преку Манзамби (29’), Грифо од пенал (39’) и Шерхант (42’).
(Видео) Штурм Грац 0-0 Нотингем Форест
Најголемото возбудување на мечот без голови (0-0) во Грац беше уште еден промашен пенал. Морган Гибс-Вајт во 35. минута не успеа да реализира од белата точка, откако голманот на Штурм, Оливер Кристенсен, го одбрани неговиот удар.
Останати резултати
- Црвена звезда конечно дојде до прва победа, совладувајќи го Лил со 1-0 со голот на Арнаутовиќ од пенал во 85. минута.
- Базел беше сигурен дома против ФЦСБ (Стеауа) со 3-1.
- Селтик доживеа нов пораз, овојпат 3-1 на гостувањето кај Митјиланд во Данска.
- Порто се „лизна“ во Холандија, освојувајќи само бод (1-1) против Утрехт.
- Панатинаикос со минимални 0-1 победи на гости кај Малме.
- Ред Бул Салцбург рутински со 2-0 славеше над Го Ахед Иглс.
Следете нè: Facebook | Instagram | X
