Воздигни се, Сер Дејвид Бекам: Што навистина значи витештвото на Бекам?

Оваа статија е надополнување на оригиналната статија објавена во јуни 2025 година: Бекам стана витез, но дали титулата ја заслужи во Скопје?

По години шпекулации, чекање и јавни дебати, Дејвид Бекам конечно го доби она што многумина го сметаа за неизбежно – витешка титула од британската кралска фамилија. На церемонијата во Виндзорската палата, кралот Чарлс Трети официјално го прогласи поранешниот капитен на Англија за Сер Дејвид Бекам, со што тој влезе во тесниот круг на личности од светот на фудбалот кои ја имаат оваа висока чест.

На свечениот чин, Бекам беше придружуван од сопругата Викторија, сега Лејди Викторија, која го дизајнираше неговиот троделен костум, како и од неговите родители, Сандра и Тед. Со благ поклон на едното колено и со меч на рамото, сè стана официјално.

„Ова е ден што никогаш нема да го заборавам. Кралот беше елегантен и шармантен како секогаш, и навистина е посебно чувството да ја добиете оваа чест од него“, изјави Бекам по церемонијата. „Јас сум горд што сум Британец, горд на своето семејство и на вредностите на нашата монархија. Ова е чест за сите нас“.

Arise, Sir David Beckham. ✨

This morning at Windsor Castle, The King presented Sir David Beckham with a Knighthood for Services to Sport and to Charity. pic.twitter.com/BpRQJ1lIJG

— The Royal Family (@RoyalFamily) November 4, 2025

Некогашното момче од источен Лондон кое соништа ги оствари на Олд Трафорд, стана 14-тиот фудбалер во историјата на Англија со витешка титула.

Во тоа друштво се имиња како Сер Алф Ремзи, Сер Боби Робсон, Сер Алекс Фергусон и Сер Кени Далглиш. Со него, Манчестер јунајтед сега има четворица „витези на клупата“, повеќе од кој било друг клуб.

Бекам има зад себе кариера што го дефинираше модерниот фудбал: Манчестер јунајтед, Реал Мадрид, ЛА Галакси, Милан, ПСЖ и Англија, со 115 настапи и шест титули во Премиер лигата. Но, кралската чест не е само за спортот. Голем дел од признанието доаѓа и од неговата долгогодишна хуманитарна работа, особено преку УНИЦЕФ, каде што повеќе од две децении е активен амбасадор.

„Ова не е само за фудбалот. Ова е за децата, за сите оние чии животи ги допревме преку мојата хуманитарна работа. Тоа е гордост што не може да се измери со трофеи“, рече Бекам.

“Give that man a Knighthood!” 🗣️

Just over 24 years on from this iconic moment, Sir David Beckham receives it 👏
pic.twitter.com/95DneuCzT9 https://t.co/iSJPnQn3HC

— England (@England) November 4, 2025

Контроверзии и втори шанси

Иако сега сè изгледа свечено и возвишено, патот до витештвото не беше без дамки. Во 2017 година, јавноста беше шокирана од протечените мејлови во кои Бекам наводно изразувал лутина што бил одбиен за витештво и ја критикувал одлуката на комисијата. Дополнително, постоеше загриженост околу неговите поранешни даночни односи, што дополнително ја одложи честа.

Но, времето лечи сè. Денес, 50-годишниот Бекам е симбол на британскиот бренд во светот. Тој е амбасадор, бизнисмен, сопственик на Интер Мајами, човек што со години гради мост меѓу спортот, културата и филантропијата.

Што значи да се биде „Сер“?

Витештвото е дел од Орденот на Британската Империја, систем што кралот го користи за да им оддаде признание на поединци кои направиле „значаен придонес за земјата“. Титулата не носи конкретни обврски, но носи симболика – симболика на заслуга, чест и национален идентитет.

Според традицијата, примачот клекнува на едно колено додека монархот го допира со меч по рамото. За жените, еквивалентот е титулата Дама (Dame).

„Кога ќе го чуете ‘Сер’ пред вашето име, тоа не е само статус. Тоа е потсетник за секој чекор што сте го направиле на тој пат“, објасни поранешниот атлетичар сер Брендан Фостер, кој доби витештво во 2020 година.

Од улиците на Лондон до кралскиот дворец

Бекам призна дека моментот бил длабоко емотивен:
„Плачев кога ја дознав веста, и веројатно плачев неколку месеци потоа. Ова е огромен момент за моето семејство. Сите сме пораснати со љубов и почит кон кралското семејство, и ова е наш заеднички сон“.

Во шега додаде: „Не инсистирам, но ако моите деца сакаат да ме нарекуваат Сер тато, нема да ми пречи“.

Епилог

Од витештвото на Сер Мет Басби до денес, малкумина го носат титуларниот сјај што го има Бекам, човек кој не само што ја обликуваше генерацијата на фудбалери, туку и ја редефинираше улогата на спортистот во современото општество.

Како што рече самиот на крајот од церемонијата во Виндзор:
„Пораснав во скромно семејство во источен Лондон, сонувајќи да станам професионален фудбалер. А денес стојам пред најважната монархија во светот и добивам витештво. Не може да стане подобро од ова“.