Какво признание за македонскиот репрезентативец! Жарко Пешевски сосема заслужено се најде во идеалниот тим на колото во ракометната Лига на шампионите.
Пивотот на Еурофарм Пелистер одигра МВП партија во епската победа над ПИК Сегед во Битола (25-24). Пешевски беше незадржлив, го „размонтира“ унгарскиот тим и го заврши мечот со седум гола, со што беше играч на натпреварот.
Европската ракометна федерација (ЕХФ) ја препозна неговата доминација и го смести на позицијата најдобар кружен напаѓач во рундата.
Пешевски се најде во елитно друштво, заедно со ѕвезди од Барса, Веспрем и Фуксе Берлин, кој доминира со тројца играчи.
⭐ TEAM OF THE ROUND – Round 7 ⭐
— EHF Champions League (@ehfcl) November 14, 2025
GK: Nacho Biosca
LW: Bjarki Mar Elisson
LB: Martim Costa
CB: Tobias Grøndahl
RB & MVP: Mathias Gidsel
RW: Aleix Gómez
LP: Zharko Peshevski
DEF: Max Darj#ehfcl #CLM #handball pic.twitter.com/KGKXmRdLGw
Идеалниот тим на колото во ЛШ:
- Голман: Начо Биоска (Нант)
- Лево крило: Бјарки Мар Елисон (Веспрем)
- Лев бек: Мартим Коста (Спортинг)
- Среден бек: Тобиас Грондал (Фуксе Берлин)
- Десен бек (МВП): Матиас Гидсел (Фуксе Берлин)
- Десно крило: Алеиш Гомез (Барса)
- Пивот: Жарко Пешевски (Еурофарм Пелистер)
- Дефанзивец: Макс Дарј (Фуксе Берлин)
Потсетете се уште еднаш на најдобрите моменти од мечот меѓу Пелистер и ПИК Сегед!
