Македонската ракометна репрезентација замина на одмор со негатива од два гола против Португалија (13-15), но резултатот на семафорот во „Јиск Банк Боксен“ не ја отсликува реалната слика на теренот. „Фалангата“ покажа дека има капацитет, има желба и, што е најважно, има игра да се надигрува со фаворизираниот противник.
𝑯𝒂𝒍𝒇-𝒕𝒊𝒎𝒆 ⚡️ 🇲🇰 13:15 🇵🇹#ehfeuro2026 #puregreatness #handball pic.twitter.com/JrDZuGQh2f
— EHF EURO (@EHFEURO) January 18, 2026
Кузмановски е лидер, ни треба поддршка
Капитенот Филип Кузмановски игра како во транс! Со 6 гола од 8 обиди, тој е нерешлива енигма за португалската одбрана и вистински мотор на нашиот тим. Неговата енергија е заразна, но за конечен успех, во второто полувреме ќе му биде потребна поголема поддршка од бековите и крилата.
Од другата страна, браќата Кошта (Франциско со 4 и Мартим со 2 гола) се опасни, но нашата одбрана покажа дека знае како да ги запре кога е агресивна и фокусирана.
Веруваме во пресврт!
Иако Португалија води, впечатокот е дека Македонија беше рамноправен, па дури и подобар противник во голем дел од првите 30 минути. Неколку промашени зицери и технички грешки се единствената причина за минусот.
Сега е моментот на вистината. Играчите на теренот треба да докажат дека оваа генерација има карактер. Со малку повеќе концентрација во реализацијата и цврстина во дефанзивата, пресвртот е повеќе од можен.
Одиме јако во второто полувреме! Напред Македонија! 🇲🇰💪
