Селтикс – Пејсерс 119:104
Џејлен Браун одигра лидерска партија со 30 поени и 10 скока, а Бостон уште во првото полувреме создаде разлика од плус 23 и мирно ја приведе работата до крај.Сем Хаузер погоди пет тројки (17 поени), додека Немијаш Куета додаде 17 поени и девет скока. Селтикс се вратија на победнички пат по тесниот пораз од Детроит.
Кај Индијана, Паскал Сијакам се истакна со 32 поени и 10 скока, но тоа не беше доволно за вистинска закана.
Никс – Нетс 120:66
Њујорк одигра историски натпревар, запишувајќи ја најубедливата победа во клупската историја со разлика од 54 поени.
Џејлен Брансон уфрли 20 поени, а Ландри Шамет погоди 6 од 6 за три и заврши со 18 поени.
Никс, кои во еден момент водеа и со 59 разлика, ја продолжија серијата од 13 последователни победи против Бруклин, и конечно им се оддолжија на навивачите по слабите претходни настапи.
Кавалирс – Хорнетс 94:87
Кливленд ја наметна одбраната уште од стартот и веќе во првата четвртина поведе со плус 21.
Донован Мичел постигна 24 поени, а Еван Мобли имаше дабл-дабл (14 поени, 14 скока).
Шарлот беше ограничен на само 32 поени во првото полувреме и немаше одговор на агресивната игра на гостите.
Хокс – Гризлис 124:122
Драматичен дуел во Мемфис, решен во самиот финиш.
Џејлен Џонсон блесна со 32 поени и 15 скока, постигнувајќи клучен кош на 40 секунди до крај.
Мемфис имаше последен напад, но обидот на Џа Морант за три поени не ја најде целта.
Пистонс – Пеликанс 112:104
Детроит продолжува со одличната форма и ја запиша четвртата победа по ред.
Џејлен Дурен доминираше под кошевите со 20 поени и 15 скока, а Пистонс ниту еднаш не беа во резултатска негатива.
Кај Њу Орлеанс, Зион Вилијамсон поради болест го напушти натпреварот во третата четвртина.
Тандер – Бакс 122:102
Вечер за паметење на Шеј Гилџес-Александер со 40 поени, 11 асистенции и 7 скока во убедливата победа над Милвоки.
Оклахома Сити настапи без пет важни играчи, но тоа не ги спречи да го контролираат мечот од почеток до крај.
Јанис Адетокумбо имаше 19 поени и 14 скока, но Бакс немаа решение за Шеј.
Репторс – Кингс 122:109
Скоти Барнс ја реши средбата со експлозивна трета четвртина, во која постигна 14 од своите 23 поени.
Торонто ја доби таа четвртина со 43:21 и ја прекина негативната серија во Сакраменто.
Барнс додаде осум скока, седум асистенции и четири украдени топки – комплетна партија на лидер.
