Светот е во транс по настапот на Илија Малинин во Милано. Насловните страници врескаат: „Салтото му донесе злато на Малинин“, „Американецот го изведе потегот што беше забранет 50 години“. Но, за оние кои навистина го познаваат уметничкото лизгање, приказната е малку поинаква и многу посмешна. Илија Малинин го изведе салтото наназад едноставно затоа што – може.
Салтото не носи поени, туку адреналин
Иако од 2024 година салтото наназад е конечно легално (претходно носеше казна од -2 поени), тоа сè уште нема своја техничка вредност. Во превод: додека за еден троен аксел лизгачите добиваат прецизно пресметани поени, за салтото наназад судиите не доделуваат ништо на техничкото конто. Тоа се третира исклучиво како кореографски елемент кој помага за впечатокот и уметничкиот допир, но само по себе носи точно 0 поени.
„Штом го направам салтото, сите почнуваат да врескаат од радост, излегуваат од контрола. Мислам дека тоа е нешто што ја враќа популарноста на овој спорт“, изјави Малинин, признавајќи дека неговата мотивација е забавата на публиката, а не судиската табела.
🔥Ilia Malinin caused a sensation at the Olympics — the American figure skater landed a backflip that had been banned for nearly 50 years
— NEXTA (@nexta_tv) February 9, 2026
The element was long considered too dangerous and was only allowed again in 2024.
The 21-year-old Malinin became the first figure skater in… https://t.co/6SKwloHAlq pic.twitter.com/E94pI2cAY4
Историја на отпорот: Од Тери Кубичка до Сурија Бонали
Забраната за овој потег датира од 1976 година, откако Тери Кубичка го изведе првпат, по што беше прогласен за „премногу опасен“. Но, најпознатиот момент во историјата на овој потег ѝ припаѓа на француската лизгачка Сурија Бонали.
На Олимписките игри во 1998 година, знаејќи дека поради пристрасното судење и расизмот нема шанси за медал и покрај нејзината супериорна атлетичност, Бонали изведе салто наназад со доскок на една нога како чин на отпор против системот. Таа знаеше дека ќе биде казнета, но сакаше да остави белег што правилата не можат да го избришат. Малинин денес е првиот што го прави тоа легално на една нога, но на рамената на легендарната Бонали.
Facing racism in the sport head on, Surya Bonaly landed the banned backflip on one foot and made history anyway ⛸️ 💥 pic.twitter.com/0PspGCJFKb
— Christopher Webb (@cwebbonline) February 8, 2026
Револуција или шоу?
Илија Малинин веќе е „Бог на четворните скокови“, па изведувањето на елемент кој технички не му носи ништо е врвен доказ за неговата самодоверба. Тој не победи поради салтото – тој победи бидејќи е технички недопирлив, а салтото беше само неговиот начин да му каже на светот дека уметничкото лизгање повторно станува „рок-ен-рол“ на мраз.
