Македонската ракометна легенда и член на Еурофарм Пелистер, Дејан Манасков, го доби најголемото признание за својата мајсторија во досегашниот дел од сезоната. ЕХФ официјално го прогласи неговиот погодок за број 1 во изборот на „Топ 10 голови“ во групната фаза од Лигата на шампионите.
„Летечкиот“ Манасков уште еднаш докажа зошто со години е во светскиот ракометен крем. Неговата атракција, која ги остави без здив навивачите и противничките голмани, се најде на врвот на листата, пред некои од најголемите ѕвезди на денешницата.
🔥 TOP 10 GOALS – GROUP PHASE 🔥Powered by Gorenje
— EHF Champions League (@ehfcl) March 17, 2026
1️⃣ Manaskov
2️⃣ Gidsel
3️⃣ Tskhovrebadze
4️⃣ Barrufet
5️⃣ Bergendahl
6️⃣ Arnoldsen
7️⃣ Frade
8️⃣ Prandi
9️⃣ Martim Costa
🔟 Guðjónsson
Best of the group phase? 👀 #ehfcl #CLM #handball pic.twitter.com/XQObwnkES4
Манасков пред Гидсел, Пранди и Коста
Конкуренцијата за најубав гол беше „пеколна“. Зад македонското крило останаа играчи како најдобриот ракометар на светот, Матијас Гидсел од Фуксе Берлин, „бомбардерот“ на ПСЖ, Елохим Пранди, како и младата португалска сензација на Спортинх, Мартим Кошта.
На листата на најдобрите десет се најдоа и имиња како Томас Арнолдсен од Алборг, Оскар Бергендал од Магдебург и тандемот на Барса, Луис Фраде и Иан Баруфет. Сепак, никој од нив не успеа да го засени потегот на Манасков кој стана апсолутен вирален хит меѓу љубителите на ракометот.
Ова е уште еден доказ дека македонскиот ракометен гениј сè уште е на врвно ниво, а неговите „летачки“ погодоци остануваат заштитен знак на Лигата на шампионите.
