Македонската фудбалска репрезентација вечерва (20:45 часот, пренос на МРТ 1) му гостува на националниот тим на Република Ирска на „Авива Стадион“ во Даблин. По бледото издание и поразот од Данска пред неколку дена, избраниците на селекторот Гоце Седлоски бараат поправен испит и враќање на самодовербата на овој пријателски натпревар.
Седлоски менува: Враќање на Димитриевски и промена на системот
Селекторот Гоце Седлоски се одлучи за тактичка промена и огледална формација со противникот (3-4-2-1).
Во одбранбената тројка шанса добиваат Ѓоко Зајков, Дарко Велковски и младиот Имран Фетаи. Средниот ред ќе го сочинуваат Дарко Чурлинов и Себастијан Херера по страничните позиции, додека во срцето на теренот ќе оперираат Тихомир Костадинов и Исник Алими. Креативниот товар паѓа на капитенот Енис Барди и Елиф Елмас, кои ќе делуваат веднаш зад најистурениот напаѓач, Елмин Растодер.
Ирска со силен состав предводена од Келехер и Колман
Ирскиот селектор Хеимир Халгримсон исто така се одлучи за формација 3-4-2-1. На голот е одличниот Куивин Келехер. Во одбраната се враќаат Лијам Скејлс и Џон Иган, додека капитенската лента ја носи Нејтан Колинс.
Your Ireland team to face North Macedonia 🇮🇪
— Ireland Football ⚽️🇮🇪 (@IrelandFootball) March 31, 2026
Liam Scales & John Egan come into the side as we look to end the week on a positive note 💪
Kick-off is just 90 minutes away 🏟️🇮🇪 pic.twitter.com/E6rJfocvi6
И покрај тоа што се работи за пријателски натпревар, Ирците стартуваат со искусниот Шејмус Колман, што предизвика одредени критики кај домашната јавност која очекуваше поголема минутажа за помладите играчи. Нападот на домаќините ќе го предводи Трој Парот, поддржан од Огбене и Азаз.
Натпреварот во Даблин е одлична можност за нашите репрезентативци да покажат карактер и да го поправат впечатокот пред следните натпреварувачки предизвици.
