Еден од најдобрите бразилски фудбалери на својата генерација, Нејмар, се наоѓа пред најголемиот предизвик во кариерата. На помалку од 80 дена до почетокот на Светското првенство во 2026 година, бразилската „десетка“ води грчевита борба да ја врати својата физичка форма и да го убеди селекторот Карло Анчелоти дека заслужува место во тимот.
Според информациите на AS, ситуацијата не е нималку едноставна. Нејмар моментално не е физички подготвен на највисоко ниво, а Карло Анчелоти и Бразилската фудбалска конфедерација имаат јасен став – повикани ќе бидат само оние играчи кои се 100% подготвени.
На почетокот на годината, Нејмар покажа сериозна решителност, следејќи персонализиран план за тренинг и исхрана во координација со неговиот клуб Сантос. Сепак, клучниот момент се случи пред неколку недели кога Анчелоти и директорот на репрезентацијата, Родриго Каетано, отпатуваа да го гледаат на натпревар против Мирасол. Проблемот? Нејмар воопшто не се појави во тимот, наводно поради претходен договор со клубот.
Ова доведе до негово изоставување од последниот собир на репрезентацијата. „Ако е 100% подготвен, да, може да биде повикан. Зошто не го повикав сега? Бидејќи не е на своето најдобро ниво. Мора да продолжи да работи и да ги покаже своите квалитети во добра физичка кондиција“, изјави Анчелоти.
Neymar has expressed his deep disappointment after being left out of Carlo Ancelotti’s latest Brazil squad 🇧🇷😢
— GOAL (@goal) March 17, 2026
Read more 🔗 https://t.co/a8tZe6ller pic.twitter.com/MvfrhX0JgH
Додека бразилски легенди како Роналдо, Зико и Ромарио јавно бараат враќање на Нејмар во репрезентацијата, сметајќи дека без него Бразил нема шанси за титулата, навивачите се поделени.
Brazil's 1994 World Cup winner, Romário, believes his nation have ZERO chance of lifting the trophy this summer if they are without Neymar Jr. 🇧🇷 🏆 ❌ pic.twitter.com/XqZHyhzYHm
— OneFootball (@OneFootball) April 2, 2026
Многумина на социјалните мрежи сметаат дека времето на Нејмар е поминато и дека тој е премногу склон на повреди за да може да го води тимот на толку важен турнир.
Дали „кралот без круна“ ќе успее да го направи потребното чудо во наредните два месеци, останува да видиме.
