Италијанскиот фудбал го слави крунисувањето на новиот владетел. Екипата на Интер денеска и официјално го крена шампионскиот пехар во Серија А на преполниот „Џузепе Меаца“, заокружувајќи ја една од најдоминантните и најнезаборавните сезони во поновата клупска историја.
По последниот свиреж на денешниот натпревар против Хелас Верона, Скудетото заврши во рацете на капитенот Николо Барела, по што започна лудото славење на трибините и на теренот на култниот „Сан Сиро“.
— Lega Serie A (@SerieA) May 17, 2026
Двојна круна за Кристијан Киву и неговите момци
Денешниот последен домашен натпревар на Интер против Хелас Верона заврши со реми од 1-1, каде стрелец за домашните беше Анж-Јоан Бони, но самиот резултат беше во целосно втор план. Натпреварот беше чиста формалност бидејќи Интер уште на 3 мај ја запечати титулата со триумфот над Парма (2-0), додека гостите од Верона веќе одамна се преселени во Серија Б.
Со овој пехар, тимот предводен од романскиот стратег Кристијан Киву ја комплетираше нестварната домашна „двојна круна“. Само четири дена претходно, во средата, „нероазурите“ со убедливи 2-0 на „Олимпико“ во Рим го совладаа Лацио и го освоија и трофејот во Копа Италија.
Денешната церемонија пред распродадениот стадион беше само круна на сиот вложен труд, професионализам и супериорност што Интер ги демонстрираше во текот на целата натпреварувачка 2025/26 година.
🏆⚫🔵 pic.twitter.com/uFzAVdrFQa
— Lega Serie A (@SerieA) May 17, 2026
Милано е обоен во сино-црно: Пауза со отворен автобус до „Пјаца дел Дуомо“
Веднаш по подигнувањето на престижниот трофеј „Coppa Campioni d’Italia“, славењето од „Сан Сиро“ се пресели на улиците на Милано.
Кристијан Киву, стручниот штаб и фудбалерите се качија на традиционалниот панорамски отворен автобус, со кој започнаа триумфална парада низ градот. Сликите кои доаѓаат од Италија се нестварни – илјадници фанови веќе креираат сино-црн брег на патеката кон претпознатливиот плоштад „Пјаца дел Дуомо“, каде шампионската забава со песната на навивачите ќе трае до раните утрински часови.
🔵⚫️ Inter Milan fans welcomed the team bus with an incredible atmosphere, as set to today’s title celebration. 🇮🇹🏆 pic.twitter.com/yrczJqX6ag
— Ultras Clips (@ultras_clips) May 17, 2026
