Откако Лионел Меси со своите два погодоци ја сруши Австрија (2-0) и испиша историја стигнувајќи до 18 мундијалски голови со што го надмина рекордот на Мирослав Клосе, фудбалската јавност не престанува со реакциите. Сепак, највпечатливата анализа дојде од човекот кој ретко дели комплименти, Златан Ибрахимовиќ.
„Меси не е само играч, тој е систем“
Во свој препознатлив, но овојпат исклучително аналитичен стил, Ибрахимовиќ објасни зошто играта на аргентинскиот капитен ги надминува сите статистики. За него, движењето на Меси на теренот не е само фудбал, туку вистинска „психолошка војна“ која внесува паника кај противничките дефанзивци, дури и кога тој не ја допира топката секоја минута.
„Луѓето ме прашуваат за ГОАТ дебатата. Каква дебата? За мене, таа не постои. Дебатата постои само затоа што на телевизијата ѝ треба содржина, а на социјалните мрежи им требаат расправии. Кога гледам фудбал, не гледам дебата. Го гледам Меси. И потоа ги гледам сите останати“, изјави Златан Ибрахимовиќ, додавајќи дека Меси е самата самодоверба и верба на Аргентина.
🚨🎙️ ZLATAN IBRAHIMOVIĆ ON LIONEL MESSI’S INFLUENCE ON ARGENTINA AFTER THEIR WIN OVER AUSTRIA:
— Unpopularfootyx (@Unpopularfootyx) June 22, 2026
“I’m obsessed with watching Messi.
Not because he’s my friend.
Not because of nostalgia.
Because after all these years, I’m still trying to understand how one player can control a… pic.twitter.com/O7JJGTBGO3
Социјалните мрежи во „виртуелна војна“
И додека фудбалските великани и официјалните профили како Bundesliga оддаваат почит (со пораката „Вистинските се препознаваат“), коментарите на социјалните мрежи се претворија во вистинско боиште.
Додека фановите на Аргентина го слават новиот рекорд и пласманот во 1/16 финалето, ривалските навивачи веќе ги прават математиките за тоа кога Килијан Мбапе (кој стигна до 15 голови) ќе го загрози овој нов рекорд на Меси, и секако, не изостануваат вечните препукувања со фановите на Кристијано Роналдо.
Како што заклучи Ибрахимовиќ, Меси стана категорија сам за себе, а вистинското прашање веќе не е кој е најдобар, туку дали фудбалот некогаш ќе произведе некој сличен на него.
