Ако мислевте дека кошаркарите на Црвена Звезда си поминаа лошо на теренот во Каунас (загубија со 32 разлика), почекајте да видите што им се случи на Твитер (сега X). Админот на официјалниот профил на Жалгирис беше расположен за шеги, па реши дополнително да им ја „засоли“ раната на „црвено-белите“.
Откако семафорот покажа конечни 99:67, започна вистинското шоу на социјалните мрежи. Еве како Литванците ги „тролаа“ гостите од Белград.
„99 проблеми, но Звезда не е еден од нив“
Инспирирани од легендарниот хит на Jay-Z, Жалгирис објави слика со резултатот и порака: „Имаме 99 проблеми, но победата над Црвена Звезда дома не е еден од нив“.
„Let’s talk about SIX, baby“
Ова беше шеста победа по ред за Жалгирис против Звезда на домашен терен. Админот не пропушти прилика да го искористи познатиот рефрен од песната на Salt-N-Pepa, менувајќи го „se*“ со „six“ (шест).
Лука Дончиќ го гледа мечот?
Дури и НБА ѕвездата Лука Дончиќ кој инаку е голем поддржувач на Звезда, беше „вовлечен“ во шегата. Објавија слика од Лука како гледа во телефон, со коментар: „За сите што се прашуваат што прави Лука на телефон, го имаме одговорот – не сака да го пропушти ОВОЈ меч од Евролигата“. Секако, ова е монтажа, но „пече“.
Временска прогноза: Пекол во салата
И за крај, малку метеорологија. Надвор во Каунас беше студено (-11 степени), но внатре разликата беше +32 за домаќинот.
