УЕФА и официјално ги дефинираше правилата за следното издание на Лигата на Нации (сезона 2026/27). Според Анекс Ц од официјалниот правилник, македонската фудбалска репрезентација е позиционирана на 30-тото место на ранг-листата, што автоматски не сместува во Лига Б.
Ова е значаен чекор напред, но и голем натпреварувачки предизвик, со оглед на квалитетот на потенцијалните противници и строгиот систем на натпреварување.
Шешири: Кои противници нè чекаат?
Лигата Б е составена од репрезентациите рангирани од 17. до 32. место. Со оглед на тоа што Македонија е рангирана 30-та, според системот на ждрепка, ние ќе бидеме дел од четвртиот шешир.
Тоа значи дека во групата сигурно НЕМА да играме против останатите селекции од нашиот шешир:
- 🇸🇪 Шведска (Рангирана 29-та)
- 🍀 Северна Ирска (Рангирана 31-ва)
- 🇽🇰 Косово (Рангирано 32-ро)
Потенцијалните противници доаѓаат од следниве шешири (според пристапната листа):
- Шешир 1 (Најсилни): Шкотска, Унгарија, Полска, Израел .
- Шешир 2: Швајцарија, Босна и Херцеговина, Австрија, Украина .
- Шешир 3: Словенија, Грузија, Република Ирска, Романија .
Систем на натпреварување: Секоја позиција е важна
Новиот правилник носи строги правила за промоција и испаѓање, што значи дека „мирна средина“ на табелата практично не постои. Еве што носи секоја позиција во групата по завршувањето на шесте кола:
- Прво место: Директна промоција во Лига А за наредното издание.
- Второ место: Бараж за промоција (плеј-оф) против третопласирана екипа од Лига А. Се играат два натпревари (дома-гости) .
- Трето место: Бараж за опстанок (плеј-аут) против второпласирана екипа од Лига Ц. Се играат два натпревари (дома-гости) .
- Четврто место: Директно испаѓање во Лига Ц.
Календар на натпревари
Групната фаза ќе се одигра во три репрезентативни „прозорци“ на есен во 2026 година, веднаш по Светското првенство:
- Коло 1 и 2: Септември 2026
- Коло 3 и 4: Октомври 2026
- Коло 5 и 6: Ноември 2026.
Баражите (плеј-оф/плеј-аут) се закажани за март 2027 година.
Следете нè: Facebook | Instagram | X
