Претседателот на Наполи, Аурелио Де Лаурентис, стави точка на шпекулациите за заминувањето на Антонио Конте на селекторското столче на Италија. Во интервју за „The Athletic“, тој порача дека Конте е премногу голем професионалец за да го напушти шампионскиот проект во Неапол.
Проектот е негово „бебе“
Италија е во потрага по наследник на Џенаро Гатузо, а Конте е прв фаворит. Сепак, Де Лаурентис смета дека лојалноста на тренерот кон Наполи е клучна.
„Овој тим е негова креација. Да замине сега би значело да го убие сопственото ’бебе‘. Антонио нема да ме напушти во последен момент бидејќи тоа би било погубно за клубот“, изјави Де Лаурентис.
Рок за конечна одлука
Газдата на Наполи не сака неизвесност и бара од Конте чиста ситуација до крајот на мај.
„Ако сака да замине, мора да каже веднаш. Така ќе имам време во април и мај да најдам замена. Но, не верувам дека господин Конте ќе го остави Наполи на цедило“, додаде првиот човек на клубот.
Италијанската репрезентација е во криза по неуспехот да се пласира на СП 2026, но Де Лаурентис е убеден дека „спасителот“ на „Азурите“ нема да биде неговиот актуелен тренер.
