Ракометот повторно покажа зошто е спорт број еден во Македонија! 🇲🇰 Ракометниот караван, во организација на Ракометната Федерација на Македонија, денеска пристигна во Куманово и донесе вистински празник на спортот, детската радост и другарството.
Спортската сала „Куманово“ ечеше од детски џагор, многу насмевки и безброј постигнати голови. Целта на овој прекрасен настан е да се прошири љубовта кон ракометот меѓу најмладите низ целата држава, а кумановци докажаа дека нивниот град дише за овој спорт.
Дечињата имаа несекојдневна можност да се дружат, да тренираат и да учат од своите идоли. Специјални гости на настанот беа репрезентативките Емилијана Ризоска и Наташа Младеновска, како и ракометарите Тино Стојановски и Григор Трајковски, кои несебично го споделуваа своето знаење и се сликаа со новите ракометни надежи.
Погледнете дел од прекрасната атмосфера во Куманово преку официјалната објава на РФМ:
Ракометната магија не застанува тука. Караванот продолжува понатаму и наскоро ќе пристигне во следниот град! 🚐🤾♀️
