Постојат дебитантски настапи во НБА кои се паметат по поените, по забивањата или по асистенциите. Но, дебито на Никола Топиќ во дресот на Оклахома Сити Тандер е нешто многу поголемо од кошарка. Тоа е триумф на животот над смртта. Младиот Србин конечно зачекори на паркетот во „Пејком Центар“, оставајќи ги зад себе двете најтешки години кои еден спортист може да ги замисли.
Две години пекол: Од скинати лигаменти до хемотерапија
Кога Оклахома го избра како 12-ти пик на драфтот во 2024 година, Топиќ веќе се соочуваше со тешка повреда на коленото (ACL). Ја жртвуваше целата прва сезона за рехабилитација, верувајќи дека тоа е најголемиот предизвик. Но, во октомври минатата година, судбината му зададе уште потежок удар – дијагноза за рак на тестисите.
Наместо во салата за тренинг, Топиќ заврши во болнички кревет, поминувајќи низ три исцрпувачки рунди хемотерапија.
The amazing story of Nikola Topić.
— NBA on Prime (@NBAonPrime) February 13, 2026
He was diagnosed with testicular cancer in October last year.
Now, four months later, he receives a standing ovation as he makes his NBA debut. pic.twitter.com/qmM1KRv9GK
Овации за кои вредеше да се бори
Моментот кога Марк Дејно го повика неговото име на мечот против Милвоки Бакс, целата сала се крена на нозе. Тоа не беа вообичаени овации за нов играч, туку колективно признание за неговата ментална сила и издржливост. Топиќ влезе во игра, ја запиша својата прва асистенција и првите поени, но најголемата победа ја извојува многу порано во онколошкиот центар.
„Не можам доволно да кажам за него како личност, за неговата зрелост и издржливост. Да се вратиш на теренот по сето ова е неверојатно остварување“, изјави тренерот Дејно, видливо емотивен по враќањето на својот плејмејкер.
