Фудбалскиот свет со големо внимание ги следи вестите кои доаѓаат од Орландо. Според извори на „The Athletic“, американскиот клуб е во сериозни преговори за ангажман на Антоан Гризман (34). Францускиот ас, кој никогаш не ја криел својата фасцинација од американската култура и НБА лигата, изгледа е подготвен за последното големо поглавје во својата кариера.
Орландо има „првенство на премин“
Иако неколку МЛС екипи беа заинтересирани за неговите услуги (вклучувајќи го и Интер Мајами на Меси), Орландо Сити ги држи т.н. „discovery rights“ (права на откривање) во рамките на лигата. Тоа им дава предност при потпишувањето на играчот. Спортскиот директор на клубот, Рикардо Мореира, веќе неколку пати престојувал во Шпанија за лично да ја води операцијата.
Иако МЛС преодниот рок трае до 26 март, изворите велат дека е малку веројатно Гризман да го напушти Мадрид среде европската сезона. Атлетико Мадрид моментално е во полуфиналето на Копа дел Реј (каде има предност од 4:0 против Барселона) и се бори за висок пласман во Ла Лига. Најреалното сценарио е Гризман да им се приклучи на „лавовите“ од Орландо во текот на летото.
Наследник на Кака и Нани
Орландо Сити не е туѓ на големи имиња. Клубот својата историја во МЛС ја започна со легендарниот Кака, а подоцна неговите бои ги бранеше и Португалецот Нани. Доаѓањето на најдобриот стрелец во историјата на Атлетико Мадрид (со над 200 голови) би бил најголемиот маркетиншки и спортски удар за тимот во сопственост на фамилијата Вилф.
Доколку овој трансфер се реализира, Гризман ќе им се придружи на Хуго Лорис, Сон Хјунг-мин и Томас Милер во лигата која забрзано станува вистински „дрим-тим“ на светски фудбалери.
