Норвешка и Франција веќе имаат обезбедено пласман во нокаут-фазата на Светското првенство, а нивниот претстоен меѓусебен дуел во Бостон ќе одлучува само за првото место во Групата И. Но, доколку очекувавте класични фудбалски фрази и најави за жестока битка од норвешкиот лидер Ерлинг Халанд, сериозно сте се излажале.
Најдобриот стрелец на Норвешка уште еднаш ја покажа својата препознатлива, брутална искреност, или можеби одлучи да игра перфектна психолошка игра пред новинарите.
Запрашан за очекувањата пред големата пресметка со Килијан Мбапе и моќните „Триколори“, напаѓачот на Манчестер Сити даде одговор кој експресно стана вирален хит на интернетот:
„Не ми е многу гајле. Веројатно ќе нè победат и ќе ја освојат титулата“.
Erling Haaland was asked about Norway’s Group I decider against France.
— Footy Humour (@FootyHumour) June 23, 2026
“I don’t care much. They’ll probably beat us and win the title.” pic.twitter.com/SptgIlEg1v
Овој ноншалантен и ладнокрвен коментар е во целосен контраст со борбениот дух кој Халанд го покажува на теренот (каде веќе постигна четири гола на првите два меча). Многумина сметаат дека со оваа изјава тој намерно сака да го тргне целиот притисок од грбот на своите соиграчи и да им ја препушти апсолутната фаворитска улога на Французите.
Дали е ова само лажна скромност на норвешкиот „викинг“ или тој навистина смета дека четата на Дидие Дешам е непобедлива, останува да видиме на зелениот терен.
