Најлошите можни вести пристигнаа од Швајцарија, македонскиот репрезентативен столб, Езѓан ‘Џани’ Алиоски, заработи тешка повреда која ќе го оддалечи од терените неколку месеци, што значи дека дефинитивно ќе го пропушти клучниот натпревар за пласман на Светското првенство против Велс во ноември.
Неговиот клуб Лугано денеска официјално потврди дека деталните лекарски прегледи покажале фрактура на левата фибула (Wadenbein). Повредата се случи на вчерашниот натпревар против Сервет, кога по еден силен удар од противнички играч, нашиот репрезентативец мораше да го напушти теренот со болна гримаса уште во 21. минута.
𝗙𝗥𝗔𝗧𝗧𝗨𝗥𝗔 𝗖𝗢𝗠𝗣𝗢𝗦𝗧𝗔 𝗗𝗘𝗟 𝗣𝗘𝗥𝗢𝗡𝗘 𝗦𝗜𝗡𝗜𝗦𝗧𝗥𝗢 𝗣𝗘𝗥 𝗔𝗟𝗜𝗢𝗦𝗞𝗜
— FC Lugano (@FCLugano1908) October 27, 2025
Nella giornata odierna Ezgjan Alioski si è sottoposto ad accertamenti medici che hanno evidenziato una frattura composta del perone sinistro.
Maggiori info 👉 https://t.co/IV8ZBUlH7b… pic.twitter.com/6fzZ7yyC16
Од клубот информираат дека Алиоски ќе биде подложен на конзервативен третман, без оперативен зафат, но не прецизираат колку точно ќе трае паузата. Сепак, за ваков тип на скршеница, периодот на рехабилитација вообичаено трае помеѓу осум и дванаесет недели.
Ова е огромен удар за селекторот Благоја Милевски и за целата репрезентација, која останува без еден од своите најважни и најискусни играчи за натпреварот “да се биде или не” во Кардиф. Повредата доаѓа во најлош можен момент и за самиот Алиоски, кој по тешката сезона во Саудиска Арабија, летово се врати во Лугано по осум години и токму кога почна да влегува во вистинската форма, го доживеа овој тежок пех.
Следете нè: Facebook | Instagram | X
