Шпанскиот фудбалер Жорди Алба вчера ја најави својата пензија од фудбалот, со што ќе стави крај на “триото од Барса”, откако пред само неколку недели крајот на својата фудбалска кариера ја најави и Бускетс.
Меси е единствениот што ќе остане сега на теренот, барем уште некое време, а тој во коментар под објавата на Алба остави емотивен коментар.
“Ти благодарам тебе, Жорди. Многу ќе ми недостасуваш. После толку многу работи поминати заедно, ќе ми биде чудно кога ќе погледнам од левата страна и ти нема да бидеш таму… Лудо е колку многу асистенции ми имаш дадено сите овие години… Кој ќе ми додава сега?”.
Како долгогодишен играч на Барса, но и на шпанската репрезентација, Алба остави голем печат во модерниот фудбал. Иако ривали во клубовите, но другари во репрезентацијата, и Серхио Рамос на своите социјални мрежи се заблагодари на фудбалерот.
“Мој драг Жорди, колку многу авантури, соочувања и споделени моменти. Колку натпревари и успеси за нашата репрезентација сме споделиле. Си заминуваш како еден од големите од левата страна и големите на шпанскиот фудбал воопшто. На фудбалот ќе му недостасуваш, но секогаш ќе те памети. Уживај во следната фаза со семејството”, напиша Рамос.
Mi querido Jordi, cuántas aventuras, enfrentamientos y momentos hemos compartido. Cuántos éxitos y triunfos hemos disfrutado juntos de nuestra Selección. Te vas como un grande de la banda izquierda y un grande del fútbol español. El fútbol te echará de menos, pero te recordará… pic.twitter.com/CtNKKK5E4R
— Sergio Ramos (@SergioRamos) October 7, 2025
И шпанската селекција се огласи на официјалната страна: “Си одиш со благодарност за фудбалот, но фудбалот е тој што треба да ти се заблагодари тебе. Еден европски шампион и освојувач на Лигата на нации ги закачува своите копачки. На второто го подигна трофејот со капитенската лента. Ќе ни недостасуваш”.
Пораки за Алба вчера пристигнаа и од Барса, многу негови соиграчи од каталонскиот тим и репрезентацијата, како и од новиот клуб Интер Мајами.
Te vas dando las gracias al fútbol, pero es el fútbol quién debe darte las 𝗚𝗥𝗔𝗖𝗜𝗔𝗦 𝗔 𝗧𝗜.
Cuelga las botas un campeón de Europa y de Nations League con la @SEFutbol. Esta última, alzándola con el brazalete de capitán.
Te echaremos de menos, @JordiAlba.#VamosEspaña pic.twitter.com/78AkTW64ei
— Selección Española Masculina de Fútbol (@SEFutbol) October 7, 2025
