Кевин Дјурант продолжува да ги поместува границите во НБА лигата. На натпреварот меѓу Хјустон Рокетс и Њу Орлеанс Пеликанс (119-110), популарниот „Кеј-Ди“ испиша нова златна страница во својата кариера, искачувајќи се на шестото место на листата на најдобри стрелци во историјата на лигата.
Слободно фрлање за вечноста
На Дјурант му беа потребни 17 поени за да го помине легендарниот Германец, Дирк Новицки (31.560 поени). Тој заврши со 18 поени, а одлучувачкиот момент се случи на 15 секунди пред крајот, кога со прецизно изведено слободно фрлање стигна до бројката од 31.562 поени. Сега, пред него на петтата позиција е недостижниот Мајкл Џордан со 32.292 поени.
Од омраза на теренот до идолизација
Дјурант по натпреварот беше видно емотивен, потсетувајќи се на големите битки со Новицки, вклучувајќи ги и легендарните пресметки во плејофот во 2011 и 2012 година.
„Да се биде таму горе со Дирк, некој на кого му се восхитував и кого го идолизирав, е едноставно лудо. Се трудев да ги копирам неговите потези низ кариерата. Имаше моменти кога го мразев на теренот, а сигурен сум дека и тој ме мразеше мене, но неговата поддршка секогаш ми значела многу“, изјави Дјурант.
Порака од легендата
Веднаш по натпреварот, во арената беше емитувана специјална видео-порака од самиот Дирк Новицки, кој му честиташе на Дјурант за успехот: „Беше неверојатно да се гледа неговата кариера. Тој е еден од најчистите стрелци што оваа игра некогаш ги видела. Честитки КД, продолжи да се качуваш по листите“, порача Новицки.
From one legend to another 🤝
— Houston Rockets (@HoustonRockets) January 19, 2026
Dirk Nowitzki congratulates Kevin Durant on becoming 𝟔𝐭𝐡 𝐚𝐥𝐥-𝐭𝐢𝐦𝐞 in @NBA scoring.@KDTrey5 | #AllFire pic.twitter.com/NPzptdzDRG
