Рокетс – Пејсерс 118:114
Алперен Шенгун одигра партија за паметење и буквално го понесе Хјустон на грб. Турскиот центар уфрли 39 поени и 16 скокови, израмнувајќи го својот сезонски рекорд, во победа над Индијана и покрај тоа што Рокетс настапија без Кевин Дјурант и Стивен Адамс.
Шенгун беше немилосрден во финишот, погодувајќи 8 од 12 слободни фрлања во последната четвртина, а Џабари Смит Џуниор додаде 19 поени. Кај Пејсерс, Паскал Сиакам (27) и Бенедикт Матурин (25) беа најрасположени, но домашните немаа доволно сила за пресврт.
Хорнетс – Пеликанс 102:95
Шарлот продолжува да лета. Хорнетс се вратија од минус 22 поени и ја запишаа седмата победа по ред, што е најдолгата серија за клубот од 2016 година.
ЛаМело Бол постигна 24 поени, и тоа по бизарен судир со сопствениот тренер во првата четвртина, додека Кон Кнепел уфрли четири тројки. Кај Пеликанс, Треј Марфи III беше најефикасен со 27 поени, а Зајон Вилијамсон додаде дабл-дабл.
Гризлис – Тимбервулвс 137:128
Мемфис ја прекина црната серија од шест порази, потпирајќи се на 30 поени на Џарен Џексон Џуниор и сигурната игра во второто полувреме.
Минесота се обиде да се врати преку Антони Едвардс, кој заврши со 39 поени, но Гризлис постојано ја одржуваа двоцифрената предност и не дозволија целосен пресврт.
76ерс – Клиперс 128:113
Филаделфија продолжува во нагорна линија и стигна до четвртата победа по ред, предводена од Тајриз Макси кој постигна 29 поени со дури седум тројки.
Доминик Барлоу блесна со 26 поени и 16 скокови, додека Џоел Ембид додаде 24 поени и постепено ја враќа старата форма. Кај Клиперс, Кавај Ленард постигна 29 поени, но без Џејмс Харден, ЛА немаше решение за офанзивниот ритам на гостите.
