Њујорк Никс го потврдија ангажманот на двократниот тренер на годината во НБА, Мајк Браун, кој ќе го замени Том Тибодо на клупата на тимот што конечно повторно верува во титула.
Иако Тибодо го одведе тимот до финале на Истокот по цели 25 години, раководството реши дека за последниот чекор им треба поинаков пристап – тренер со шампионско искуство.
Браун беше асистент во екипи што освоиле четири НБА титули (Спарс и Вориорс) и има долгогодишно искуство како главен тренер на Кливленд и Сакраменто.
“Мајк знае како изгледа шампионски пат. Ни треба лидер кој ќе изгради тим што може да победи и во јуни”, изјави претседателот на Никс, Леон Роуз.
Никс веќе имаат оформена стартна петорка со Џејлен Брансон и Карл-Ентони Таунс, и амбиции кои не се тајна. Со доаѓањето на Џордан Кларксон и Гершон Јабуселе на клупата, Њујорк ќе биде еден од фаворитите на Истокот, особено со оглед на повредите и промените кај главните конкуренти Бостон и Индијана.
По 51 година чекање, времето можеби конечно доаѓа, а Мајк Браун ќе биде човекот што ќе го води походот кон титулата.
