По денешниот воведен настап на Ставре Јада во спринт квалификациите, македонската спортска јавност го насочува вниманието кон останатите дисциплини во кои нашите претставници ќе ги бранат националните бои на Зимските олимписки игри 2026. Македонскиот олимписки комитет го потврди официјалниот календар на настапи, кој вклучува натпревари во нордиско и алпско скијање.
Во продолжение ви го претставуваме комплетниот распоред на македонските спортисти по денови и дисциплини.
Нордиско скијање (Крос-кантри)
Настапите во нордиските дисциплини ќе се одвиваат во наредните денови, каде нашите репрезентативци ќе се соочат со најголемите предизвици во трките на 10 километри во слободен стил.
- 12.02 (четврток) | 13:00 ч. – Ана Цветановска (10км слободен стил)
- 13.02 (петок) | 11:40 ч. – Ставре Јада (10км слободен стил)
Алпско скијање
Алпските дисциплини во велеслалом и слалом се предвидени за втората половина од Игрите. Виктор Петков и Јана Атанасовска ќе ги одмерат силите со светската елита на патеките во Кортина д’Ампецо.
- 14.02 (сабота) | 10:00 ч. (прва трка) / 13:30 ч. (втора трка) – Виктор Петков (Велеслалом)
- 15.02 (недела) | 10:00 ч. (прва трка) / 13:30 ч. (втора трка) – Јана Атанасовска (Велеслалом)
- 18.02 (среда) | 10:00 ч. (прва трка) / 13:30 ч. (втора трка) – Јана Атанасовска (Слалом)
Македонските олимпијци се подготвени за достоинствено претставување на државата на најголемата спортска сцена. Ве повикуваме да ги следите нивните настапи и да им ја пружите потребната поддршка во деновите што следат.
