Драмата заврши. Нема милиони од Америка, нема седење на трибини, ниту пак чекање до лето. Роџерс Мато е нов фудбалер на шкотскиот премиерлигаш Хартс, а трансферот ќе се реализира веднаш, во овој преоден рок!
Како што ексклузивно јавува Sky Sports Scotland и угледниот Edinburgh News, раководството на ФК Вардар и Хартс постигнале конечен договор за предвремено пуштање на репрезентативецот на Уганда. Во моментов се средува само потребната „папирологија“ за работната дозвола.
Повредата на Шенкленд го „спаси“ Вардар
📝 Sky Sports News understand Hearts have agreed a deal with FK Vardar to sign Rogers Mato this month. Watch Hearts vs Celtic on Sunday, 𝗹𝗶𝘃𝗲 𝗼𝗻 𝗦𝗸𝘆 𝗦𝗽𝗼𝗿𝘁𝘀 from 2.30pm 📺
— Sky Sports Scotland (@ScotlandSky) January 20, 2026
More – https://t.co/9Yndqbiwx6 pic.twitter.com/3phGLYbJAg
Hearts have reached an agreement with FK Vardar for the signing of Rogers Mato this month.@sked21 ✍️https://t.co/US5ThylNNo
— Hearts Standard (@HeartsStandard_) January 20, 2026
Иако Вардар првично ја одби понудата од околу 350.000 евра и се обиде да издејствува трансфер во МЛС (кој се покажа како правен лавиринт), среќата сепак им се насмевна на „Црвено-црните“, но поради туѓа несреќа.
Капитенот и најдобар напаѓач на Хартс, Лоренс Шенкленд, заработи незгодна повреда на задната ложа која ќе го оддалечи од терените до два месеци. Ова го принуди менаџерот Дерек Мекинес итно да реагира и да инсистира Мато да биде донесен веднаш, наместо да се чека бесплатниот трансфер на 1 јули.
Вардар сепак ќе заработи (нешто)
Со овој потег, Вардар избегна катастрофално сценарио – да има незадоволен играч (кој не се појави на подготовките во Турција) и на лето да го загуби без денар.
Иако сумата веројатно не е онаа „милионската“ која се најавуваше во соопштенијата за САД, клубот ќе инкасира средства кои се неопходни за преживување, иако дел од колачот (20%) ќе оди и на сметка на Брера Струмица.
Шкотска наместо „американски сон“
Приказната за наводниот трансфер во Спортинг Канзас Сити и објавените скриншотови сега паѓаат во вода. Мато од самиот почеток инсистираше на трансфер во Шкотска, а Хартс остана доследен на својата намера.
Останува само да се финализираат административните процедури, по што Мато ќе го облече дресот на „Срцата“ и ќе ја продолжи кариерата во една од најстарите лиги во светот.
