Светот е повторно обединет под олимписките кругови. Синоќа, со блескава церемонија која ја славеше италијанската историја, уметност и култура, официјално беа отворени XXV Зимски олимписки игри, Милано Кортина 2026. Под мотото „Armonia“ (Хармонија), култниот стадион „Сан Сиро“ во Милано и планинскиот центар Кортина д’Ампецо беа домаќини на настан кој за првпат во историјата се одвиваше истовремено на две локации.
Церемонијата започна со ода за неокласицизмот и Антонио Канова, преку танцот на 70 уметници од Академијата на Театро ала Скала, најавувајќи ја вечерта во која италијанската креативност беше во фокусот.
”There are things you must never do, not by day nor by night not by sea nor by shore: for example WAR.”
— The Olympic Games (@Olympics) February 6, 2026
Ghali reading Gianni Rodari’s words: A beautiful message of peace.🕊️
#OpeningCeremony | #MilanoCortina2026 pic.twitter.com/ADXdfufrIQ
Бочели и Мараја Кери ја воодушевија планетата
Музичкиот дел беше вистински гламур. Светската поп-ѕвезда Мараја Кери, облечена во креација на италијанскиот дизајнер Фаусто Пуљиси, ја отпеа легендарната „Volare“, по што следеше нејзиниот хит „Nothing is Impossible“. Сепак, моментот кој ги остави сите без здив беше изведбата на Андреа Бочели. Иконичниот тенор ја отпеа аријата „Nessun Dorma“ од Пучини додека олимпискиот факел се движеше низ стадионот, создавајќи моменти на чиста магија и емоции.
Andrea Bocelli takes our breath away.
— The Olympic Games (@Olympics) February 6, 2026
Fire and music. Pure magic. ✨🔥#MilanoCortina2026 | #OpeningCeremony pic.twitter.com/b3gg4d7F4P
All we want for the Winter Olympics is…Mariah! 🎶
— The Olympic Games (@Olympics) February 6, 2026
Mariah Carey takes centre stage at the #MilanoCortina2026 #OpeningCeremony. 💃 pic.twitter.com/t7jsitzHBv
Покрај нив, своја порака за надеж и мир пренесе и холивудската актерка Шарлиз Терон, која во својот говор инспириран од Нелсон Мандела повика на заедништво и човечност.
A message of hope from UN Peace Ambassador, Charlize Theron.
— The Olympic Games (@Olympics) February 6, 2026
“Peace is not just the absence of conflict. Peace is the creation of an environment where all can flourish, regardless of race, colour, creed, religion, gender, class, caste or any other social markers of difference.”… pic.twitter.com/NAq0NcDmHR
Историја во движење: Двојно палење на олимпискиот оган
Олимпискиот пламен за првпат беше запален симултано во два града. Во Милано, честа им припадна на легендите на италијанското скијање, Дебора Компањони и Алберто Томба, додека во Кортина д’Ампецо, огнот го запали актуелната ѕвезда Софија Гоџа.
На традиционалното дефиле учествуваа околу 2.900 спортисти. Поради специфичноста на Игрите, спортистите парадираа во местата каде што ќе се натпреваруваат – во Милано, Кортина, Ливињо и Предацо, што е нов модел кој Интернационалниот олимписки комитет (ИОК) го планира за иднината на Зимските олимпијади.
Мешавина од традиција и модерност
Церемонијата не помина без „италијански допир“ во секој сегмент – од почитта кон италијанската опера и мода, до неочекуваното појавување на легендата на MotoGP, Валентино Роси, кој во видео-скеч управуваше со традиционален милански трамвај.
Иако на социјалните мрежи не изостанаа дебати околу учеството на одредени спортисти под неутрални знамиња и политичката заднина на настанот, Италија уште еднаш докажа дека знае како да приреди светска претстава која ќе се памети. Олимпискиот оган ќе гори во наредните 16 дена, кога најдобрите светски спортисти ќе се борат за медали на падините на Алпите.
LET THE GAMES BEGIN! 🎇
— The Olympic Games (@Olympics) February 6, 2026
The XXV Olympic Winter Games at #MilanoCortina2026 are underway. 🤩🫶 pic.twitter.com/IThjJKphYq
History made! 🙌
— The Olympic Games (@Olympics) February 6, 2026
For the first time, two Olympic cauldrons are lit simultaneously, uniting the city and mountains, and igniting the #MilanoCortina2026 Games to life. 🔥🤝🔥#OpeningCeremony pic.twitter.com/CDxVX5dqNl
