Фудбалската федерација на Македонија (ФФМ) доби значајно признание за својата работа во базата на фудбалот. По тридневната посета на претставниците од Одделот за развој на фудбал на УЕФА, пристигна позитивна оцена за реализацијата на Грасрут активностите во нашата земја.
Во периодот од 10 до 12 декември, УЕФА менторот Владимир Луптак од Словачка вршеше мониторинг на терен за да го анализира напредокот според „Грасрут Планот за развој 2024-2028“.
Од училишта до инклузија – ФФМ на прав пат
Делегацијата посети шест клучни локации, вклучувајќи ги клубовите „Аеродром 2018“, „Форца Вардар“ и „Спорт Ефе“, како и училиштето „Гоце Делчев“ и центарот „Св. Наум Охридски“.
Импресиите се одлични, особено во делот на:
- Детските лиги на ФФМ;
- Образовните проекти во училиштата;
- Фудбалот за лица со попречености;
- Едукацијата на тренери за работа со млади категории.
Ова е потврда дека ФФМ успешно ги покрива шесте клучни столба на УЕФА, кои вклучуваат заштита на децата, развој на клубови и масовен фудбал.
Следете нè: Facebook | Instagram | X
