Германија е на чекор до борба за медали на ЕХФ ЕУРО 2026, откако во вистински трилер во Хернинг ја совлада Норвешка со 30:28. Иако Норвежаните имаа предност во поголемиот дел од мечот, германскиот „ѕид“ на голот и младиот Марко Гргиќ беа пресудни за големата победа.
Волф е „министер за одбрана“: 22 интервенции за очај на Норвежаните!
Ако треба да се опише овој натпревар со два збора, тоа се Андреас Волф. Германскиот чувар на мрежата одигра еден од оние натпревари кои влегуваат во историјата. Иако неговата одбрана во првото полувреме прими 17 голови, Волф уште тогаш имаше 11 одбрани, одржувајќи ги „панцирите“ во живот.
Во второто полувреме, Волф целосно ги „заклучи“ своите голови. Неговиот настап предизвика вистински страв кај норвешките стрелци, Сагосен и соиграчите почнаа да промашуваат дури и кога беа во чисти позиции, а Волф го заврши натпреварот со нереални 22 одбрани од 50 удари (44% успешност).
Andi Wolff today. 😤⛔️✋#ehfeuro2026 #puregreatness pic.twitter.com/ipCnhvUJuY
— EHF EURO (@EHFEURO) January 24, 2026
Epic battle of goalkeepers 😱✨
— EHF EURO (@EHFEURO) January 24, 2026
🇩🇪 Andi Wolff ⚡️ Torbjørn Bergerud 🇳🇴#ehfeuro2026 #puregreatness pic.twitter.com/g3iJnlwWDd
Марко Гргиќ беше „џокерот“ на Алфред Гисласон
Додека Волф бранеше сè, на другата страна Марко Гргиќ ги презеде работите во свои раце кога на другите не им одеше. Левиот бек беше вистински „икс-фактор“, постигнувајќи четири последователни гола во клучните моменти од вториот дел, со кои Германија се одлепи на пет гола предност (28:23) на 11 минути пред крајот.
Кај Норвешка, Сандер Сагосен беше најефикасен со 5 гола, но со очаен шут од 5/13, што најдобро покажува како помина во дуелите со Волф. Покрај него, со 5 гола завршија и Педерсен и Гуликсен.
Табела: Германија осамена на врвот
Со оваа трета победа во главната фаза, Германија е единствен лидер во групата со максимални 6 бода и е многу блиску до обезбедување место во полуфиналето. Норвешка, пак, со овој пораз останува на само два бода и нејзините шанси за влез меѓу најдобрите четири сега се сведуваат на теорија.
