Во модерната ера на фудбалот, каде што навивачите (особено помладите) почесто гледаат во „Excel табели“, „G/A“ колони и xG статистики отколку што го гледаат самиот натпревар, Лионел Меси излезе со изјава која ја сумира неговата фудбалска филозофија.
За него, магијата е во играта, а не во бројките. Иако, иронично, ги држи скоро сите рекорди.
„Никогаш не играв за рекорди“
Во новото интервју кое стана вирално, Аргентинецот објасни дека никогаш не влегол на терен со мисла „денес морам да го стигнам овој или оној рекорд“.
„Луѓето денес многу се фокусираат на статистика, а јас лично, навистина не сакам статистика… Никогаш не мислев дека морам да асистирам или да дадам гол за да стигнам некој рекорд. Јас ја живеам играта и уживам во неа. Сакам да бидам одлучувачки, но не играм за бројки“, изјави Меси.
Суптилниот „флекс“ со 91 гол
Сепак, она што ги насмеа фановите на социјалните мрежи беше начинот на који Меси, додека објаснуваше дека не му е грижа за бројките, „случајно“ ја спомена најлудата статистика во историјата на фудбалот.
„Тешко е да се избере најдобра година. Во 2012-та, постигнав 91 гол. Не играв за тоа, никогаш не ми беше грижа. Работите се случија природно“, додаде тој.
Оваа изјава многумина ја протолкуваа како најголемата разлика помеѓу него и Кристијано Роналдо – едниот брка 1.000 голови, другиот постигнува 91 во година и вели „се случи природно“.
Погледнете го видеото:
Lionel Messi: “People today focus a lot on statistics, and personally, I don’t really like statistics. I don’t think that I must make an assist or score a goal so I can reach a record, or surpass this person or that person. In 2012, I scored 91 goals. I don’t play for that, I never cared about it.”
byu/DavidRolands insoccer
Следете нè: Facebook | Instagram | X
