Иако Уганда го заврши својот настап на Африканскиот Куп на Нации (АФКОН), за македонската фудбалска јавност најважната вест доаѓа од 75-тата минута на дуелот против моќната Нигерија.
Ѕвездата на Вардар, Роџерс Мато, уште еднаш докажа зошто е најскапиот и најквалитетниот фудбалер што трча по терените во Првата македонска фудбалска лига (ПМФЛ).
Мајсторија против „Супер Орлите“
Во натпревар во кој Нигерија доминираше и победи со 3-1, Мато беше светлата точка за својата репрезентација. При негатива од 0-3, фудбалерот на Вардар доби одлична топка од Алан Окело, мајсторски се ослободи и со прекрасен лоб го постигна почесниот гол за Уганда.
Lovely ball from Allan Okello with a beautiful finish from Rogers Mato for a consolation for Uganda #AFCON2025 | #AFCON pic.twitter.com/h1zNYXtjAv
— Vipers Xtra🎙 (@VipersXtra) December 30, 2025
Став на Спортска Станица: Класа над сите
Според нашето скромно мислење, Роџерс Мато е далеку најдобриот фудбалер што ги краси македонските терени во последните 2-3 сезони. Неговиот потег против репрезентација од калиброт на Нигерија е само потврда за тоа.
Му посакуваме успешна полусезона во црвено-црниот дрес на Вардар, но да бидеме реални – неговиот квалитет го надминува нашето првенство. Ние навиваме тој што подолго да остане тука и да го крева нивото на лигата, но сите сме свесни за реалноста: Доколку продолжи да игра на ова ниво, ниту државен проект нема да може да го задржи во Првата лига. Неговата иднина е несомнено во некоја од најсилните европски лиги.
Тука мора да се оддаде признание и на Брера Струмица и нивниот скаутинг тим, кои први го детектираа овој талент и успеаја да го донесат во Македонија.
Топ 15: Кој колку вреди во ПМФЛ?
Со најновото ажурирање на вредноста, Мато се искачи на врвот на листата на највредни фудбалери во нашето првенство со пазарна вредност од 700.000 евра. Интересно е што во топ 15 доминираат играчи на Шкендија и Струга ТЛ, но врвот му припаѓа на „вардарецот“.
💰 Топ 15: Највредни играчи во ПМФЛ
🥇 1. Rogers Mato (Лево крило) 🔴⚫ Вардар | Вредност: €700k
🥈 2. Klisman Cake (Дефанзивец) ⚫🔴 Шкендија | Вредност: €700k
🥉 3. Imran Fetai (Дефанзивец) ⚫🔴 Шкендија | Вредност: €600k
4️⃣ Ronaldo Webster (Лев бек) ⚫🔴 Шкендија | Вредност: €600k
5️⃣ Reshat Ramadani (Деф. везен) ⚫🔴 Шкендија | Вредност: €600k
6️⃣ Fabrice Tamba (Десно крило) ⚫🔴 Шкендија | Вредност: €600k
7️⃣ Bassirou Compaoré (Напаѓач) 🔴⚪ Струга ТЛ | Вредност: €500k
8️⃣ Bojan Ilievski (Десен бек) 🔴⚪ Струга ТЛ | Вредност: €500k
9️⃣ Aleksander Trumci (Десен бек) ⚫🔴 Шкендија | Вредност: €500k
🔟 Mislav Matic (Дефанзивец) 🔴⚫ Вардар | Вредност: €400k
1️⃣1️⃣ Pape Fall (Лев бек) 🔴⚪ Струга ТЛ | Вредност: €400k
1️⃣2️⃣ Adi Alic (Напаѓач) 🔴🔵 Силекс | Вредност: €400k
1️⃣3️⃣ Baboucarr Gaye (Голман) ⚫🔴 Шкендија | Вредност: €400k
1️⃣4️⃣ Arbin Zejnullai (Цент. везен) ⚫🔴 Шкендија | Вредност: €400k
1️⃣5️⃣ Adamu Alhassan (Деф. везен) ⚫🔴 Шкендија | Вредност: €400k
