По речиси 40 години пауза, МотоГП се врати во Бразил, а викендот во Гојанија дефинитивно ќе остане запаметен по хаосот со патеката и историската доминација на Априлија.
There was no stopping BEZ in Brazil! 🔥😎🤙#BrazilianGP 🇧🇷 pic.twitter.com/DZUo0vGWvN
— MotoGP™🏁 (@MotoGP) March 22, 2026
По саботниот спринт кој му припадна на Марк Маркез, неделната главна трка целосно помина во знакот на Марко Бецеки кој испиша историја за себе и за својот тим.
Неделна трка: Историски „1-2“ за Априлија
Неделното Гран При започна со шок за возачите, само неколку минути пред стартот, поради распаѓање на асфалтот и летечки камења на патеката, трката беше скратена од 31 на 23 круга.
Ова воопшто не му попречи на Марко Бецеки. Италијанецот имаше страшен старт, веднаш го презеде водството од освојувачот на пол-позицијата Фабио Ди Џанантонио и не погледна назад. Тој ја забележа својата четврта победа по ред, нешто што досега не му успеало ниту нему, ниту на фабриката на Априлија.
Неговиот тимски колега, Хорхе Мартин, заврши на второто место, заокружувајќи го историскиот „1-2“ триумф за Априлија.
Вистинската драма се одвиваше за третото место. Откако Марк Маркез направи грешка на неколку круга пред крајот, Ди Џанантонио максимално ја искористи шансата и го освои последниот подиум, оставајќи го Шпанецот на четвртата позиција. За одбележување се и падовите на актуелниот шампион Пеко Бањаја и на Хоан Мир.
What giving absolutely everything for P3 looks like 🔥⚔️#BrazilianGP🇧🇷 pic.twitter.com/yhVbCQAU0V
— MotoGP™🏁 (@MotoGP) March 22, 2026
Саботен Спринт: Маркез го скрши отпорот на Диџа
Саботната спринт трка доцнеше дури 80 минути поради дупка на главниот правец (пукната цевка), но кога конечно започна, понуди фантастична борба.
Марк Маркез ја забележа својата прва победа во 2026 година, откако по долга потера во финишот го скрши отпорот на Ди Џанантонио, кој мораше да се задоволи со второто место. Хорхе Мартин го комплетираше подиумот.
Топ 5 во Генералниот пласман
Со оваа победа, Бецеки го презеде врвот во шампионатот:
- Марко Бецеки (Априлија) – 56 бода
- Хорхе Мартин (Априлија) – 45 бода
- Педро Акоста (КТМ) – 42 бода
- Фабио Ди Џанантонио (ВР46 Дукати) – 37 бода
- Марк Маркез (Дукати) – 34 бода
