Ако некој за 50 години од сега ги отвори архивите и погледне што прави Никола Јокиќ во оваа ера на кошарката, веројатно ќе помисли дека се работи за грешка во системот или за некој „хакиран“ играч во видео игра. Но, ние сме привилегирани сведоци дека ова е реалност.
НБА лигата официјално потврди, српскиот маестро е прогласен за Играч на неделата во Западната конференција (за периодот од 10. до 16. ноември), што е само уште една потврда за неговата апсолутна доминација на паркетот.
Second week in a row ✔️✔️#MileHighBasketball pic.twitter.com/lVzgTV2nGs
— Denver Nuggets (@nuggets) November 17, 2025
Ели Грегорски анализира: Бројки кои пркосат на логиката
Како што истакнува новинарот Eli Gregorski во својата анализа за Heavy Sports, Јокиќ ја заслужи наградата со статистика која е тешко да се сфати. Во текот на перфектната недела за Денвер (скор 3-0), 30-годишниот центар бележеше просеци од:
- 39.0 поени
- 13.0 скокови
- 8.0 асистенции
- 1.7 украдени топки
Но, најстрашниот податок е ефикасноста. Јокиќ ги постигнуваше овие бројки шутирајќи неверојатни 73.7% од поле и 64.3% за три поени!.
Ова е вкупно 19-ти пат Јокиќ да го понесе ова признание, со што го зацементира својот статус како играч со најмногу вакви награди во историјата на франшизата на Нагетс.
Испишување на историја: 90 поени за два дена!
Она што го направи Јокиќ во изминатите седум дена ги помести границите на возможното. Неговите перформанси вклучуваа два последователни натпревари со над 50 поени, нешто што ретко се гледа дури и од најдобрите стрелци.
Според официјалните податоци:
- Јокиќ стана првиот играч во историјата (од сезоната 1997/98 па наваму) кој запишал 52 поени, 11 скока и 6 асистенции уште пред да започне четвртата четвртина.
- Тој е првиот играч што постигнал 90+ поени со 80% шут од игра во распон од само два дена.
Неделата ја круниса со својот 171-ви трипл-дабл во кариерата против Минесота (27 поени, 12 скока, 11 асистенции), и тоа без промашување од линијата за слободни фрлања.
Сезона за 4-та МВП титула?
Ако се погледне пошироката слика, Јокиќ не доминираше само оваа недела. Тој е моментно лидер во целата НБА лига во две клучни категории:
- Асистенции: 10.9 по натпревар (Прв во НБА)
- Скокови: 13.0 по натпревар (Прв во НБА)
- Трипл-дабли: Вкупно 7 (повеќе од следните тројца играчи на листата заедно!).
Со просек од 28.7 поени и петто место во лигата по процент на шут (67.2%), Србинот е на брза лента кон својата четврта МВП титула во последните шест години.
Денвер е „непобеден“ во ноември: Помошта конечно пристигна
Индивидуалната брилијантност на Јокиќ се прелева и врз тимот. Денвер Нагетс се наоѓаат во серија од 7-0 во последните две недели и сè уште немаат пораз во месец ноември.
Тие се искачија на второто место на Западот, веднаш зад Оклахома Сити, а клучот за овој успех не е само Јокиќ.
- Џамал Мареј (22.1 поен) и Арон Гордон (19.9 поени) играат во животна форма и бележат најдобри просеци во кариерата.
- Новите засилувања се покажаа како полн погодок. Особено се истакнува Јонас Валанчиувас, кој нуди солидна поддршка од клупата и му овозможува на Јокиќ неопходен одмор, нешто што недостасуваше минатата сезона.
Додека Кристијан Браун и Кем Џонсон сè уште ја бараат својата форма, „машината“ на Денвер предводена од српскиот „Џокер“ изгледа незапирливо.
Следете нè: Facebook | Instagram | X
