Тетовска Шкендија не застанува на трансфер пазарот. На стартот на зимските подготовки, „црвено-црните“ го официјализираа доаѓањето на 25-годишниот дефанзивен играч за врска Дрилон Ислами.
Поранешниот капитен на Приштина доаѓа во Тетово по кратката авантура во Романија, каде што беше дел од екипата на Клуж. Ислами потпиша договор со важност од 2,5 години, до јуни 2028 година.
„Шкендија е европско ниво“
Во своето прво интервју, Ислами не го криеше задоволството што станува дел од амбициозниот проект на Шкендија.
„Шкендија е еден од најорганизираните албански македонски клубови и секоја година цели кон титула и Европа. Тоа се и моите амбиции. Не ми беше тешко да одлучам,“ изјави Ислами.
Тој додаде дека клубот од Тетово е на сосема друго ниво во споредба со она што го видел досега.
„Сум играл и во други клубови, но Шкендија е друго ниво, можам да кажам европско ниво. Верувам дека овие услови треба да ги претвориме во резултати и титули,“ порача новиот играч за врска.
Подготовки во Анталија
Ислами веќе се стави на располагање на стручниот штаб на стартот на подготовките. Тимот на 17 јануари патува за Анталија, Турција, каде што ќе ја одработи главната фаза и ќе одигра четири контролни натпревари.
