Поминаа точно 10 години од денот кога еден момак, кој до скоро играше во аматерските лиги, испиша историја во Премиер лигата. На денешен ден, во 2015 година, Џејми Варди стана првиот играч кој постигнал гол на 11 натпревари по ред во ерата на Премиер лигата, надминувајќи го рекордот на Руд ван Нистелрој.
„It’s eleven, it’s heaven for Jamie Vardy!“
Натпреварот против Манчестер Јунајтед беше моментот на вистината. Кристијан Фухс испрати совршена топка, а Варди, со својот препознатлив спринт и завршница, ја закова топката во мрежата на Де Хеа. Коментарот на Мартин Тајлер, „It’s eleven, it’s heaven for Jamie Vardy!“, остана врежан во меморијата на секој фудбалски фан.
[On this day in 2015] Jamie Vardy becomes the first player to score in 11 consecutive games in the Premier League era, surpassing Van Nistelrooy’s 10-game mark, which had stood since 2003.
byu/977x insoccer
Повеќе од рекорд – најава за титула
Овој рекорд не беше само индивидуално достигнување. Тоа беше искрата што го запали Лестер Сити на патот кон најневеројатната титула во историјата на спортот. Од работник во фабрика до рекордер во Премиер лигата – приказната на Варди е потсетник дека во фудбалот сè е можно.
„Не само еден од најголемите наративи во Премиер лигата, туку еден од најголемите спортски наративи некогаш“, коментираат фановите и денес.
Варди не застана тука. Тој продолжи да решета мрежи, стигнувајќи до 145 гола во Премиер лигата и освојувајќи „Златна копачка“, докажувајќи дека не е чудо од една сезона.
Следете нè: Facebook | Instagram | X
