Србија беше на работ на сензационален пораз на стартот од квалификациите за Светското првенство 2027, но со спектакуларен пресврт успеа да ја совлада Швајцарија со 90-86.
Гостите во Белград приредија шок во првото полувреме, погодувајќи дури 9 тројки (од 12 обиди), вклучувајќи го и „проектилот“ на Селим Фофана од половина терен за неверојатни 34-57 на паузата.
WHAT IS HAPPENING IN BELGRADE?!?!🤯#FIBAWC l #StepItUp pic.twitter.com/FI2s4GVpz4
— FIBA Basketball World Cup 🏆 (@FIBAWC) November 27, 2025
Алимпијевиќ ја разбуди „ѕверот“
Во второто полувреме, Србија излезе како нов тим. Избраниците на Душан Алимпијевиќ дозволија само 15 поени во првите 15 минути од продолжението, правејќи серија од 20-2 за целосен пресврт.
Херој на мечот беше центарот Душан Ристиќ, кој одигра натпревар за паметење. Тој постигна 24 поени без промашување (10/10 од игра, 4/4 за три поени!), од кои 12 клучни во последната четвртина.
Одлична поддршка имаше и од Стефан Миљеновиќ (23 поени, 9 асистенции) и Никола Танасковиќ (16 поени).
Ова е важна победа за Србија на почетокот на новиот циклус, избегнувајќи ја репризата од 2020 кога Швајцарија ги шокираше со кош во последната секунда.
Следете нè: Facebook | Instagram | X
