Данил Медведев успеа да избегне уште едно турнирско разочарување, откако во драматичен меч го совлада Леарнер Тјен на мечот на турнирот во Шангај.
29 годишниот тенисер успеа да се врати “во игра” доцна во вториот сет, за на крајот да ја собере победата во дуелот кој саврши со 7-6(6), 6-7(1), 6-4 во сетови.
Само осум дена откако Медведев мораше да се повлече од мечот против истиот ривал на турнирот во Пекинг поради грч во ногата, Русинот овој пат успеа да дојде до посакуваната победа и да го резервира својот четврт-финален дуел со Алекс де Минор.
Down, but NEVER out 😤
Medvedev survives heavy cramps to defeat Tien 7-6 6-7 6-4 in a 3-hour battle!@DaniilMedwed #RolexShanghaiMasters pic.twitter.com/LuKMadAcgN
— Rolex Shanghai Masters (@SH_RolexMasters) October 8, 2025
Де Минор претходно го совлада Нуно Борџес со 7-5, 6-2 во сетови, за да го обезбеди својот пласман во најдобрите осум. Австралијанецот е во потрага по својата втора титула сезонава, а после Новак Ѓоковиќ тој во моментов е највисоко рангиран тенисер за освојување на трофејот.
Најголемо изненадување од денешната програма во Шангај можеби беше успехот на младиот Канаѓанец Феликс Оже-Алијасим, кој го совлада повисоко рангираниот италијански тенисер Лоренцо Мусети.
Оже-Алијасим изгледа одлично оваа сезона, а денес тој речиси без многу мака успеа да дојде до победата од 6-4, 6-2 во сетови. Следно, тој во четврт-финалето ќе се сретне со Французинот Артур Риндеркнеч.
