Ракометниот клуб Загреб не губи време! По само еден ден откако го ангажираше Сандро Мештриќ, најтрофејниот хрватски колектив донесе уште едно капитално засилување за само 48 часа. Урх Кастелиц, словенечкиот репрезентативен голман, повторно го облекува дресот на „Пилињата“!
Оваа вест беше потврдена од Управата на клубот, која со гордост го најави враќањето на 29-годишниот чувар на мрежата. Кастелиц е добро познато име за навивачите, бидејќи веќе го бранеше голот на Загреб во периодот од 2017 до 2019 година.
Искуство од Бундеслигата како гаранција
По првиот престој во Хрватска, Словенецот, кој е и освојувач на бронза од Светското првенство во Франција, замина да се докажува во најсилната лига на светот, германската Бундеслига. Во изминатите шест сезони, Кастелиц стекна огромно искуство, бранејќи ги боите на Фриш Ауф Гепинген (2019-2022) и ТБВ Лемго (2022-2025).
Управата на РК Загреб потврди дека договорот со искусниот голман е потпишан на две години. Кастелиц ќе ѝ се приклучи на екипата и ќе ја засили конкуренцијата на голот на почетокот на подготовките за сезоната 2026/2027.
Враќањето на Кастелиц доаѓа веднаш по ангажманот на Сандро Мештриќ. Мештриќ веднаш ќе му се стави на располагање на стручниот штаб, што значи дека Загреб добива две големи опции меѓу стативите во исклучително краток период!
Гостинска статија на Марија Петровска
Следете нè: Facebook | Instagram | X
