Ракометениот клуб Сесвете го оствари најголемиот дострел во својата европска историја. Со гостинска победа во Тулуз, тимот собра пет бода во ЕХФ Европската лига, со што е во игра за сензационален пласман во нокаут-фазата!
Сесвете ги изненадија сите! По триумфот на гостински терен во Франција, тие сега имаат пет бода во групната фаза, што е нивен историски максимум во Европската лига. Иако не се изразени фаворити за понатаму, шансата е жива: Тулуз е елиминиран, а Сесвете се подготвени за клучните дуели.
Следен предизвик е нашиот гигант Вардар, кој во вторник пристигнува во Јелковец, предводен од легендарниот Иван Чупиќ на тренерската клупа.
Брилијантна одбрана и неверојатен Свржњак
Во Тулуз, екипата ја повтори брилијантната изведба од минатата недела. Тие брзо се прилагодија на противникот, одиграа брзо и ги неутрализираа најголемите адути на Французите. Периќ бранеше одлично, а одбраната со Раужан и Томиќ во средината, покажа нова, подобра енергија, и покрај отсуството на Шукер.
Клучни играчи беа младите: Тончи Иванишевиќ, кој експлодираше во нападот и одбраната, и особено Патрик Свржњак, кој имаше неверојатен учинок од 10 гола од 10 обиди – подвиг против врвните голмани Летенс и Молер. Искусниот Иван Думенчиќ делуваше како вистински диригент, а Баковиќ и Финек ги решаваа сите клучни моменти.
Иван Думенчиќ, еден од најискусните во тимот, не ја криеше радоста: „Го изненадивме целиот ракометен свет. Момците гинат еден за друг, имаме пет бода и сме во дебела шанса за пласман во следната рунда. Тие го одложија првенството за да се подготват за нас, а ние патувавме до Тулуз, пред тоа до Метковиќ, постигнавме 37 гола, а претходно 32 дома против Французите… Навистина не знам што повеќе да кажам.“
Подготвени за Вардар
Иако петте бода се веќе историски успех, во клубот каде главните потези ги влече уште една легенда на хрватскиот ракомет – Игор Вори, се свесни дека можеле да имаат и повеќе. Тие беа израмнети со Вардар во Скопје и испуштија победа дома против Кристијанштад, иако водеа со +3 на пет минути до крајот.
Патрик Свржњак ја потврди тимската хемија: „Покажавме дека сме вистинска екипа. Одигравме одличен натпревар, одговоривме на секое барање што противникот го постави пред нас и тоа е одлична подлога за она што нè чека.“
Идната недела во Јелковец пристигнува Вардар, водечкиот тим во групата. И покрај оправданата еуфорија во Сесвете, македонскиот тим е фаворит, но хрватскиот тим веќе докажа дека може да ги сруши сите прогнози. Ова е натпревар кој се чекаше со години!
Гостинска статија на Марија Петровска
Следете нè: Facebook | Instagram | X
