Англискиот фудбал во модерните денови привлекува огромна публика ширум светот, а Премиер лигата е особено популарна низ Европа, каде е една од петте најсилни лиги. Поголемиот дел од клубовите кои и денес играат влечат корени од пред стотина година, па секогаш е интересно да се прочитаат нивните приказни.
Денес, го продолжуваме серијалот со уште еден клуб кој има вековна историја и денес е дел од Премиер лигата. Ова е приказната за Фулам.
Фулам: Од црквените игралишта до легендата на “Крејвен Котиџ”
Фулам е еден од најстарите фудбалски клубови во Лондон, со корени што се враќаат до 1879 година, кога момчињата од неделното училиште на црквата Свети Андреј основале клуб за фудбал и крикет. Во тоа време спортот имал улога многу повеќе од забава. Тој беше алатка за воспитување, за дисциплина и начин да се спречи урбаната депресија што ја засегала работничката класа. Повеќе од сто години подоцна, љубовта кон играта и желбата да се гради карактер останаа во срцето на клубот.
Првите денови на Фулам биле номадски. Од игралиштата на “Олд Роуд” до “Ранела” клубот и “Лили Роуд”, клубот постепено го пронајде својот идентитет. Името на клубот еволуирало исто толку драматично како и неговите терени. Од “Свети Андреј” до “Фулам Ст. Андрејс” и конечно до едноставно Фулам ФК во 1889 година, клубот се насели на северната страна на реката Темза во легендарниот “Крејвен Котиџ”, дом што ја одржа својата автентичност и шмек до ден денес.
“Крејвен Котиџ”, со својата идилична локација и архитектонски карактер, има историја што го надминува самиот фудбал. Од некогашна куќа на Лорд Крејвен од 1780 година, преку резиденција на Наполеон Трети и писателот Булвер-Литон, овој терен стана икона на британската архитектура за спортски објекти. Денес, составен од традиционални елементи како “Стивенс Гоуд Енд” и фасадата на колиба, “Крејвен Котиџ” останува единствен пример за спојот на историја, фудбал и културно наследство.
Идентичноста на Фулам се одразува и во боите и во грбот на клубот. Црно-белите дресови се препознатливи од самиот почеток, со ситни варијации низ годините, а знакот на клубот денес ја спојува историјата со модерниот дух. Од првиот грб во 1931 година до денешниот дизајн од 2001, кој ја рефлектира прогресивноста и стилот на клубот, Фулам ја покажува својата визија: да ги почитува корените, а сепак да гледа кон иднината.
Со повеќе од 140 години историја, Фулам не е само еден од најстарите клубови во Лондон, туку симбол на конзистентност, заедништво и љубов кон фудбалот, вредности кои се предавале од генерација на генерација. Клубот останува верен на своите корени, спојувајќи историја, култура и спортска страст на едно место.
Прочитајте ги и останатите делови од нашиот серијал:
Арсенал
Астон Вила
Борнмут
Брентфорд
Брајтон
Барнли
Челси
Кристал Палас
Евертон
