Светскиот рекет број еден, Карлос Алкараз, пред настапот на турнирот во Париз, зборуваше со новинарите за новите терени и разликата во однос на минатата година.
“Скроз е поразлично од претходната година. Теренот е многу поспор, но мене ми се допаѓа што е така. Можеме да видиме вистински тенис, со долга игра. Не само сервиси и кратки поени”, изјави тој.
На прашањето дали лично нему повеќе би му одговарале ваквите терени, тој рече: “За мене, тоа е добра брзина. Отсекогаш сум кажал дека преферирам поспори подлоги”.
Carlos Alcaraz gives us his first thoughts on the new venue and the new court conditions 🎙️#RolexParisMasters pic.twitter.com/lYGCP7CLqC
— ROLEX PARIS MASTERS (@RolexPMasters) October 25, 2025
Алкараз се осврна и на неговата игра на затворените терени: “Не би рекол дека сум лош на затворено, но другите играчи се подобри од мене. Сепак, мислам дека се подобрувам секоја година и верувам дека можам да одиграм добро на оваа подлога”.
Шпанецот ќе има можност со настапот на овој турнир да ја зацврсти својата позиција на АТП листата, а таму секако ќе биде и неговиот најголем ривал Јаник Синер.
Од турнирот во Париз досега се откажаа Новак Ѓоковиќ, кој таму има славено дури 7 пати и има 50 победи во 59 натпревари, како и грчкиот тенисер Стефанос Циципас.
