Италијанецот Јаник Синер го подигна својот прв трофеј на „Ролекс Париз Мастерс“, совладувајќи го Канаѓанецот Феликс Оже-Алијасим со 6-4, 7-6(4) и потврдувајќи дека моментално е човекот кого сите сакаат да го победат.
Со оваа победа, Синер не само што стигна до својот петти Мастерс 1000 трофеј, туку и се врати на првото место на АТП листата, позиција што ја загуби претходно во сезоната од Карлос Алкараз.
Италијанецот одигра перфектна недела во Париз каде не загуби ниту еден сет, и ја продолжи својата неверојатна серија на 26 победи во низа во затворени терени. Последен кој го направил тоа беше Карлос Алкараз на Индијан Велс во 2023 година.
The 23rd Jannik Sinner trophy lift at only 24 years old.
— The Tennis Letter (@TheTennisLetter) November 2, 2025
🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆
Almost as many trophies as he has years on this earth.
🇮🇹🦊
pic.twitter.com/UwmodyF5mh
„Ова е огромно. Финалето беше интензивно, знаевме колку е важно. Работевме напорно последниве месеци и резултатот само го потврдува тоа“, изјави Синер по триумфот.
Победата во Париз значи дека Синер повторно ќе биде светски рекет број 1 од понеделник и дека завршната трка за број 1 позицијата со Алкараз ќе се решава на завршниот турнир во Торино, каде што Италијанецот ќе го брани трофејот.
На другата страна, Оже-Алијасим одигра одличен турнир и со финалето направи голем чекор кон квалификација за АТП Финалето во Торино, и моментално е осми во трката, со мала предност пред Лоренцо Музети.
Иако вториот сет беше далеку поизрамнет, Синер остана смирен во клучните моменти и со прецизен тај-брејк го заврши мечот во своја корист. Ова беше негова четврта титула сезонава и 23-та во кариерата.
„Феликс сервираше неверојатно, немав многу шанси, но во тај-брејкот ја искористив првата вистинска можност“, додаде Синер.
Check out the highlights from the Sinner vs Auger-Aliassime final 🎬#RolexParisMasters pic.twitter.com/3LqifJh56A
— ROLEX PARIS MASTERS (@RolexPMasters) November 2, 2025
